كيف يتعامل جمال سليمان مع السوشيال ميديا؟

بعد جدل الشائعات والأخبار الغريبة، عبّر النجم جمال سليمان عن انزعاجه من مواقع التواصل الاجتماعي وما يسببه البعض من مشاكل بإطلاق أخبار مزعجة، مؤكداً أنه لا يملك سوى حسابين على إنستغرام وفيسبوك، ويديرهما بنفسه.

وأكد النجم السوري في حوار ببرنامج “لايت شو” على قناة “الحياة”، أن السوشيال ميديا بالنسبة له بمثابة ابنة الجيران التي يشاهدها من النافذة، مجرد مراقب من بعيد، لافتا إلى أنه لا يوجد لديه شخص مختص يدير حساباته بل يقوم بذلك بنفسه رغم ضيق وقته.

وأوضح ذلك: “دي النقطة اللي بخاف منها، يعني أنا عندي طريقة بالتعبير عن الأشياء بحب إنها تبقى نفسها مبحبش حد يتكلم نيابة عني، وبخاف من إنه تحصل أي ورطة أتحمل مسؤوليتها رغم إن مش أنا اللي عاملها”.

وأضاف: “أنا من جيل الفنانين اللي عملوا سمعتهم ومكانتهم المتواضعة قبل السوشيال ميديا من خلال الأعمال اللي بيقدمها للناس.. اسمي سواء كان كبير أو صغير اتبنى بناء على منتح فني، أدوار وشخصيات ومسلسلات قدمتها مش بناء على نشاطي على السوشيال ميديا ولا اللوك الجديد اللي عملته ولا كنت فين أنا ومراتي”.

وتابع: “أنا مش بنتقد الأخرين ولا بقلل من قيمتهم.. دي لغة عصر.. بس أنا مبحسش إني مهم للناس عشان يعرفوا إن كان عندي أصحابي واتعشينا وعملنا وسوينا.. مش بنتقد الأخرين لكن بقول إن ده مش منسجم مع طبيعتي وشخصيتي.. أحيانا بشارك أمور شخصية بس في أوقات متباعدة زي تهنئة ابني بعيد ميلاده أو غيره بس بعمل ده على استحياء”.