50 مليون ليرة سورية تكلفة فعالية أنا أحب دمشق

كلفت 50 مليون ليرة يعني ما يعادل آجار 500 منزل يأوي 2000 مواطن اذا كان معدل الأسرة 4 أشخاص أو يصرف لتعليم 3000 طفل يمكن واحد منهم يطلع مهندس أو عالم أو مؤرخ بس يمكن ما بدهم مؤرخ مشان ما يفسد عليهم للأجيال القادمة .

أو يفتح 100 مشروع متناهي الصغر للشباب العاطل عن العمل أو يؤمن لمبات توفير طاقة للشوارع يلي نصها مطفي ومعتم أو اعانات حق أدوية للجرحى وما رح قرب على أسر الشهداء مشان ما يقولوا منحط الشهداء بكل سيرة لنبيضها .

واذا دايرين عالاعلام فيكم بمليون ليرة تزبطو قصة وتنشروها عالنت عطو كل ” ناشط ” 2000 ليرة بينشرها وبزبطها ووفروا الباقي لشي تاني مفيد .

طبعاً هدول ال50 مليون بس حق ألوان وبخاخ وأحرف من النوع العاشر وتفوترت حتماً بالنوع الأول ..

كونه القلوب المحبة لدمشق انباع القلب الواحد ب500 ليرة من يلي مالحقوا يلحسو اصبعتهم ووقفوا يبيعوهم برا المدينة الرياضية غير حق التيشرت يلي انباعت كمان جوا ..

خلونا كرمال الله ان تؤمنوا فيه وكرمال الشهيد إن فعلاً دمه غالي عليكم وبلد عم ترجع لورا شوي شوي نفكر لمرة واحدة وبصدق لمصلحة هالبلد لنشوف كيف رح يتحسن اقتصادنا ووضعنا الأمني وترجع العالم تجي عالبلد وتشوفها وتدعمها .

نبراس مجركش